لكل من ذاق مر الفراق

تدري وش سوَّى غيابك ؟!
مـوَّت غيابك سوالف ..!

ما يخوِّفني زماني
بس من فرقاك خايف ..!

فجأه أصحـى ومـا أشوفك..
لا تهددني ... ظروفك

إعتبرني ..حلم /واقع
وإلاَّ ظلٍ ما يطوفـك

ظاميٍ عطشان ..جيتك
لا يعشمني سرابك ..!

تسمح بكلمه ؟!بغيتك
قبل لا تبدأ غيابك ..!

تدْري وشْ معْنى غيابكْ ؟
يعْني :
أسْوَءْ شيْ شفْتَهْـ طولْ عمري !!

تبْدي ضحْكاتي هلابكْ
وفي وداعكْ
ما ينامْالجَرحْ بدْري

وإنتْ كيفكْ
شوفْ وشْ ناوي عليـه

هاكْ قلبي وهاكْ سيفكْ
وسوْ فيني اللــي تبيه!

لا تحاتيْ
صفّحْ بكيفكْ جروحي

وإشْطبْ آمالي وطموحي
وإعْتبرْ قلبي كتابكْ!!

تدري وشْ حطّم غيابكْ
مرْكَبْ بداخلْ شعوري

منْ نسى قلبكْ.. حضوره
قلبي ما واجَهْ /شعوره
عندي ما بـه شي ضروري
فاقد إحساسْ الأماني
لا مراسي لا مواني

وصارتْ الدنيـا /قسى !!
وصار دوري..
أعشق أنواعْ الأَرَقْ..
وألفظ أنفاسْ الغَرَقْ
وصوت معناه الخَطَر
وقلبْ ميّتْ/يحتضر

منْ غيابكْ السلامه
فيها قلبي ما رسى
لا صباحي هو صباحي
ولا مسا قلبي /مسا

يا حبيبي في .. غيابكْ
إختلفْ شكلي ولوني
صرتْ أنا إنسان/ثاني
والسَهَر تعّبْ عيوني

والسؤال اللي ذبحني?
- صح اهو فعلاً نسى ؟
راح وأهداني الأسى!
وما وصلتْ إلا لـ حقيقهـ
الجفـا أسْهَلْ طريقـهـ
للقسى..!

تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟

ياللي مِن غيرك حياتي
ما لها داعي ومعنى !
صار قلبي ما يحاتي
بعد ما تخليت عنـه !

إيه كل الناس عندي
بس مابيهـم بدونك..!!
تدري يا عمري بأنك..
عندي كل الناس إنت !
ومهما تجرحني/مسامح
وكِل طعناتي /عوافي

عشت وافي لدنيتك
وبموت وافي ..

ما اخونكلو تجافي
ما هو آنا اللي إن ضاقت
علي الدنيا /خنت

تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟

رااااااقت لي تلك الكلمات الرئعة
بجد كلمات في تحمل بين طياتها معاني واحاسيس جميلة ...

يعطيك الف عااااااااااااافية ياااااارب
لاتحرمنا من جديدك ...

تقبل مروري من هنا
eslam

يسلمو كتير ع طرحك الرائع
تحياااااتى

مشكورة اكتير يا اسلام على مرورك الطيب

تحياتى الك ابو عدى

مشكورة اكتير ياصوت الضمير على مرورك الطيب

تحياتى الك ابو عدى