الصحفي المحترف
عضو مشارك
عدد الرسائل : 98
العمر : 44
العمل/الترفيه : صحفي
تاريخ التسجيل : 29/09/2009
 |  موضوع: وصلت انفلونزا الخنازير على حارة الضبع الثلاثاء أكتوبر 20, 2009 2:01 am | |
| أنفلونزا الخنازير وصل للعكيد ...
مساهمات القراء
دخل أبضاي على القهوة وحيا الجميع : مسيناكم
( ثم أخذ مجلسا له الى جانب العكيد وأطرق يفكر )
فرد العكيد : مسا الورد والياسمين والمعسل ، شبو الأبضاي مانه عالحشيشة ؟
أبضاي : والله يا عكيد شغلة بتحط الأعل بالكف !!
العكيد : جوهر لك أبضاي ... جوهر واحكيلنا شو في
أبضاي : لك حلاق الحارة مو قادر يكشف الزايدة ، كيف بدو يكشف أنفلونزا الخنازير وبدون احتياطات تذكر !
العكيد : احتياطات شو اذا نحنا ما عنا خنيزير ؟
أبضاي : بس سمعنا بـ 40 حالة بالسيريانيوز ، عم يقولو وبا بينتشر بسرعة وبيطرح أكبر زكرتاوي ، مو بس هيك ، مرض عجّز الحكما بكل الحارات
العكيد : وشو عرفك أنو هالرقم صحيح ؟ ، يعني بركدن سيريانيوز عم تموه مشان العين ، مالك شايف كل الحارات مطووشين فينا وعم يتمسحو بباب حارتنا
أبضاي : بس يا عكيد !! معقول يدخل الحارة الشمالية والقبلية والشرقية والغربية وما يدخل حارتنا ؟
العكيد : معقول وشئفة ... بزوز ما وسع بباب حارتنا ! قام كوّع بأرضه ورجع !
أبضاي : يا عكيد يا عكيد مو وقت المزح ، عم قلك مرض بيطرح الزكرتاوية بقى شو رح يصير بالحريم والأطفيل !
انتفض العكيد وقال بغضب : خسا يقرب ع الحريم
( ثم التفت العكيد الى الوراء وصاح بصوت مدوي : هات نارة يا ولد ، وأتبع ):
دخلك ... ذكرت شي سيريانيوز أنو قرب عالحريم ؟
أبضاي : ما بعرف بس عم يقولو مصيبة ما بتعرف لا كبير ولا صغير
العكيد : أصبح حط بالخرج ... حكي جرايد وما بصير على هالحارة الا اللي كاتبه ربك
أبضاي : وبركي - لا سمح الله - بلشو الأطفيل اللي عم يروحو عالكتّاب ينفقو واحد ورا التاني ؟
العكيد : حارتنا ما علّم عليها أنف الوزة العصفير حتى يعلّم عليها واحد متل أنف الوزة الخنيزير ، شو نسيت أنو ما عنا خنيزير ؟ ولا نسيت لما دوخونا بجنون البقر ؟ .... اي كل اللي عنا خوريف وبقر وجاج والحمد لله بقرنا ما بجن ، لاء ، وبوزع أعل على كل هالحكما ، وجاجاتنا شغالة على دوز بارة
أبضاي : يا لطيييييف على هالنسوة .... الله يثبت علينا الأعل والدين ويخليلنا الأطفيل والحريم ، باذن واحد أحد هالأنفلونزا عمره ما بعلّم ع حارتنا
العكيد : شايف كيف ! ، بقى درلي بالك ع أنفك برضاي عليك ولا تحشروا بشغلات بتوجع الراس ، مسيك ، مسيك خدلك سحبة .... زهزه ....
المفاتيح :
مانه عالحشيشة = ليس على سجيته
الأعل = العقل ، بتحط الأعل بالكف = أي عصية على الفهم
وبا = وباء
زكرتاوي -= الرجل الصلب
مشان العين = أي خزيا للعين الحسود
بزوز = يجوز
الحريم = النساء
الأطافيل جمع طفل
دوز بارة = نظام جودة قديم
مسيك خدلك سحبة .... زهزه = أركل عليها تنجلي
| |
|
اميرة الابداع
عضو مبدع
عدد الرسائل : 3262
العمر : 33
المزاج : رايقه
اسم العضو : أمـــــ ـــــيــــ ـــــــــر الإبـــــــــ ـــــداع
تاريخ التسجيل : 19/09/2009
| | موضوع: رد: وصلت انفلونزا الخنازير على حارة الضبع الثلاثاء أكتوبر 20, 2009 3:36 pm | |
| | |
|
